Parque Urbano El Bosque ñi züngu

Chi Parque Urbano El Bosque

Tüfa ta rakümtükulechi mapu llenga, ngafüllnengechi mapu, rangíñkonkülelu ta Valdivia waría mew, ngulümapu ñi willípüle, El Bosque rukantu püle, tañi ngenkáwkülelu, SOCOVESA, wülkünuy nga rakümtükunengeal, ngafüllnengeal ka femngechi kímtükungeal tüfichi pu mapu anümkamayew kullíñ. Tüfichi epu warangka meli konchi tripantü mew nga lliwátuneyu ka amúlneyu nga LEMU LAHUÉN pingechi mapumu nüwkülechi trokiñ.

Aylla wicháfmapu nga puwi chi lemu ngülálelu ta puwam ta che fey mülí nga kiñe wicháf lemu ka kiñe wicháf menókontun. Chi lemu ta niéyey koyam (Nothofagus obliqua), olivillo (Aextoxicon punctatum), koywe (Nothofagus dombeyi), kolümamüll (Luma apiculata), petra (Myrceugenia exsucca), külóng (Aristotelia chilensis), coralito (Nertera granadensis), pelú (Sophora mycrophilla), maytén (Maytenus boaria), külkül (Blechnum chilense), kopiwe (Lapageria rosea) fachi ngulümapu rayen-ngelu, ka fentren llenga. Chi pu üñüm mew nga üytungegafuy ta pizeñ (Pardirallus sanguinolentus), cachudito (Anairetes parulus), yarken (Tyto alba), fiw-fiw (Elaenia albiceps), viudita (Colorhamphus parvirostris), rayadito (Aphrastura spinicauda), sietecolores (Tachuris rubrigastra), colilarga (Sylviorthorhyncus desmursii), trabajador (Phleocryptes melanops), tregül (Crhysomus thilius), ka chi pu ko kullíñ mew müli ta llüngki (Caudibervera caudibervera) ka chi pakarwa (Batrachyla taeniata), ka müleyey chi pu püchüke külen filu (Tachymensis chilensis), müléyey nga zakllu (Parastacus nicoletti), chi Plectostylus Marie pingechi pu gastrópodos ka femngechi fentren chezemayew piru.

Chi lemu mew nga müli fentren rüpü, kuykuy wente menoko mew, kiñe azkintuwe, liwkentun ko, kiñe katrüntüku ruka malünengemum lemu züngu ka kiñe katrüntüku ruka epéfill küzaw nentungekemum fey “La Semilla” pingelu.

¿Chemú am fentre zuámfali fachi lemu?

• Ta ngafüllnengechi mapu anümka ka menókontun ta purangi waría llenga. • Epéfill mongen lliwátunengemum chi wicháfmapu ngati.

• Tüfimu nga pepi kimkefiyiñ chi anümkamayew kullíñ. • Tüfimu nga trawüluwkey che ayékayal ka kimtükungeal ngünen.

• Kiñe che witrámpürami nga kellúnetew ta fentren che fey müli ñi amúlerpual.

¿Chemú amta küzáwküleyiñ tüfa?

• Ta küme elün mew ka wüño anümtükutun mew ta aliwen. • Ta küme elün mew ka zoy amúlün mew chi müleyechi ruka.

• Ta petu wiríntükungey kom müléyechi pu kullíñmayew anümka ta lemu mew.

 • Ta petu pepíkangel mew chi anümka tukúkan.

 • Petu pepíkangey küme wiríntükungeal chi Parque Urbano El Bosque fey rumel lliwátunengeal.

Tüfachi züngu zuami tami kellún.

Rume fali küméelnengeal chi lemu.

Küpa nentunefuyíñ fentren züngu.

Chuchi kellún wüme zakífali.

Pemúpayiñ.

Ázmapu ta küme lloway.